Jurgen Klopp i ka bërë një “kompliment” të madh, skuadrës së Sevilla-s, duke shpjeguar se ai “urren” stadiumin e tyre kur luan atje.
Gjermani ka drejtuar skuadra si Mainz, Borussia Dortmund dhe tani Liverpulin dhe ka hasur shumë kundërshtarë të vështirë dhe mjedise armiqësore.
Por ajo që bie në syrin e Klopp, dhe që e ka irrituar më së shumti, është stadiumi “Ramon Sanchez Pizjuan”.
Në një intervistë për “Sport”, ai deklaron:
“Nuk e di në se është stadiumi më i mirë për të luajtur, por stadiumi që urrej më së shumti të zhvilloj një ndeshje, është ai i Sevillas, për shkak të atmosferës që ka… Ky është një kompliment”.
Kujtojmë që Klopp, nuk ka arritur asnjë fitore në këtë stadium, ku dy vite më parë skuadra e tij Liverpuli kryesonte me rezultatin 3-0 në 30 minutat e para të ndeshjes, por takimi përfundoi në barazim, 3-3.
