Ish-deputeti Eduart Ndocaj ka folur për vitet ’90 kur si shumë shqiptarë u largua nga Shqipëria.
Pjesë e spektaklit “Dance With Me”, ai ka zbuluar se së bashku me familjen e kaloi kufirin drejt Italisë me dokumente false.
Këtë pjesë të historisë së tij, Ndocaj e ka shkruar edhe në një libër, një fragment prej të cilit e lexoi moderatorja Alketa Vejsiu në studio.
“Falë dhe dokumenteve që arrita të siguroja për nusen, vendosëm dhe u nisëm drejt Italisë. Zonja ime udhëtonte me dokumentet false. Ishim unë, nusja ime, motra dhe djali i saj Paolo. Arritëm të nesërmen në Bari dhe policia na kontrolloi me imtësi. Por mua po më pushonte zemra nga frika, por u përmbajtja dhe mos transmetoja jashtë asnjë emocion policit. Policia Kufitare Italiane është psikolog i mirë, të gjithë janë psikologë shumë të zotë dhe studiojnë çdo lëvizje, qoftë dhe lëvizjen e buzëve apo mënyrën si lëvizin qerpikët. Dhe kështu po përpiqesha të mos transmetoja asnjë emocion për të mos u lënë asnjë lloj dyshimi. Ia hodhëm, kaluam me dokumente false”, shkruan Ndocaj në librin e tij.
