Fansat e Ariana Grande janë shqetësuar për kushtet shëndetësore të këngëtares që mund të jetë e detyruar të anulojë koncertet e ardhshme, të fundit e turneut. Me një postim në Instagra,. Grand ka bërë të ditur se ‘është shumë e sëmurë’, se ka ‘dhimbje të forta dhe vështirësi të mëdha në frymëmarrje gjatë performancës’. Gjëja më shqetësuese është se shqetësimet kanë nisur që në koncertin e fundit në Londër, që daton para një muaji.
Në këtë periudhë Ariana ka vazhduar me performancat, por me shumë vështirësi. Por tani duhet të nxjerrë ‘flamurin e bardhë’. Koncerti i 17 nëntorit, i programuar për në Lexington, është anuluar, por rrezikojnë edhe datat e tjera.
Nga ana tjetër artistja është sforcuar shumë. Turneu i saj “Sweetner World Tour” nisi më 18 mars e që atëherë ka vazhduar për muaj të tërë, me shumë pak pauza dhe në program ka ende shumë shfaqje në javët e ardhshme dhe praktikisht për gjithë dhjetorin.
Ariana ka postuar në Instagram foto të sajat teksa shkon në prova me një debrifilator dhe me një tufë me vitamina.
“Nuk e kam idenë se çfarë po ndodh me trupin tim dhe kam nevojë ta kuptoj” ka shpjeguar këngëtarja për fansat. “Do vizitohem sërish dhe do ju njoftoj për spektaklin. Më vjen vërtet keq”. Ajo që e shqetëson më shumë Arianën është zgjatja e kësaj gjendjeje të keqe shëndetësore dhe fakti se doktorët nuk po i gjejnë dot shkakun.
Në ndihmë të këngëtares së re erdhi edhe Barbra Streisand, e cila ka dashur ta inkurajojë dhe t’i japë një këshillë: “Pi vitaminë C me mjaltë dhe supë pule”.
Take a strong Vitamin C drink with some Manuka honey and of course get some chicken soup! Bx https://t.co/Ybd4wTEjnw
— Barbra Streisand (@BarbraStreisand) November 17, 2019
