Një ditë më parë socialistët zhvilluan zgjedhjet e tyre për delegatët që do i përfaqësojnë në Kongres. Rajoni që raportohet me pjesëmarrjen më të ulët është Shkodra, atje ku duket se ka probleme edhe me manipulimin e rezultatit.
Kështu referuar kandidatëve në fletë votimi, dhe rezultatit të shpallur, bie në sy fakti se në Bashkinë e Vaut të Dejës, ishin 6 kandidatë, ndërsa mes fituesve janë emra për të cilët nuk është votuar.
Ndërkohë pas numërimit të votave rezulton se fitues janë Mirela Lala, Samela Zagani, Petrit Behari, Besmir Kapaj, Gjergj Dodaj, Ruzhdi Kapedanja dhe Elvis Preci.
Në Shkodër, të drejtën e votës nga socialistët e kishin 2578 anëtarë, ndërkohë që numri i votave rezulton vetëm 1130, nga më pak se 50 %. Sikundër raportohet, pjesëmarrja më e ulët ka qenë në 5 rajonet e qytetit, ku në total morën pjesë 495 votues, ndërsa në rajonin nr 3 kishte vetëm 45 vota.
Duket se përplasjet e vazhdueshme në PS-në e Shkodrës dhe delegimi nga qendra i emrave, jo të propozuar nga anëtarësia, qoftë për kandidatë për kryebashkiakë apo deputetë, si dhe drejtorë rajonalë, kanë thelluar përçarjet mes socialistëve.
