Kim Kardashian, dihet, perferon veshjet që tregojnë shumë, sidomos në dekolte.
Në dhjetëvjeçarin e fundit na ka mësuar me zgjedhje veshjesh shumë të diskutueshme, po aq edhe ‘të nxehta’. Nën fundet e shkurtra dhe xhaketat e veshura pa asgjë poshtë, nuk mungonte ngjitësi ‘besnik’, ngjyrë mishi.
Praktika, e përmirësuar përgjatë viteve nga Kardashian, ka dy qëllime: të ngrejë lart gjoksin e bëshëm dhe ta mbrojë nga mosfunksionimi i mirë i veshjes, term me të cilin amerikanët tregojnë incidentet e paraqitjes që kanë ndodhur në tapetin e kuq.
Shiriti i ri ngjitës SKIMS
Grua biznesi e suksesshme, Kim ka kuptuar në mënyrë perfekte si të fitojë para (të tjera). Prej disa muajsh ka lëshuar linjën e saj shaperwear (forma trupore), Skims. Koleksioni përfshin veshje modeluese, që nga sutjenat, tek mbathjet. Propozime në nëntë ngjyra dhe me masa nga XXS, tek 5XL, krijimet e Kim kanë për qëllim të kënaqin gratë e të gjitha formave dhe ngjyrave të mishit. Suksesi ishte i menjëhershëm dhe koleksionet u shitën në fare pak orë.
SI APLIKOHET
Këto ditë, Kim Kardashian ka treguar gjetjen e saj të fundit. Në fakt, ylli i shfaqjeve ‘reality’ është gati të shesë edhe objektin, të cilit i ka besuar më shumë në kohë: shiritit ngjitës, sigurisht të firmosur Skims.
Janë të shumta nuancat e ofruara dhe një qëllim i v etëm: ngritjen dhe adaptimin sipas preferencës të dekoltesë, duke u shfaqur në mënyrë perfekte nën rroba. Për të lajmëruar daljen në treg, Kim ka postuar një sërë videosh ku bën një demostrim praktik, duke aplikuar me mjeshtëri ngjitësin tek një modele.
Ngjitësi kushton 36 dollarë dhe ka nga ata që e mbështesin sipërmjarrjen, sikurse edhe skeptikë që mendojnë se me 36 dollarë për një ngjitës të Skims, mund të mbushësh tërë shtëpinë me ngjitësa në kanceleri.
