Grupi A i kualifikueseve të Euro 2020 është kthyer në tabu për Kosovën. Përfaqësuesja e drejtuar nga Bernard Challandes u mposht 2-1 nga Republika Çeke, duke humbur shanset për një kualifikim direkt në Euro 2020.
Në Plzen ishin dardanët ata që kaluan fillimisht në avantazh me anë të Nuriut. Por, pavarësisht kësaj, vendasit gjetën forcë dhe me anë të Kral e Celustka përmbysën gjithçka.
Tashmë, nga grupi A kualifikohen Anglia dhe Çekia, teksa Kosova qëndron momentalisht në vendin e tretë me 11 pikë. Gjithsesi, shpresat e tyre nuk janë shuar ende, pasi do të tentojnë kualifikimin përmes fazës play-off të Ligës së Kombeve.
