Shqipëria luan me Andorrën në “Elbasan Arena” prej orës 20:45, ndërsa stadiumi duket se do të jetë bosh. Presidenti i FSHF-së, Armand Duka, pranon se ka bërë gjithçka për të mbushur stadiumin.
ANDORRA – “Tifozët kanë harruar se kemi një ndeshje shumë të rëndësishme dhe shpresoj që ta vlerësojë Kombëtarja. Është bërë një punë për t’i injektuar skuadrës dëshirën dhe motivimin. Nuk ka ndeshje të lehta sepse të gjitha ekipet luajnë mirë dhe ta fitosh duhet të bësh gjithçka. Nuk bëhet asgjë ndryshe për të fituar. Këto janë kundërshtarët realë të Shqipërisë si Moldavia apo Andorra”.
ARENA KOMBËTARE – “E kemi pritur datën 17 dhe presim datën 17 sepse çunat e kanë bërë të besojmë në rezultat pozitiv. Nuk më intereson asgjë tjetër. Në fakt do të bëja gjithçka që stadiumi të jetë plot dhe kam bërë gjithçka. Nuk e di çfarë mund të bëhet. Duhet mbështetur nëse nuk ka punë më të rëndësishme. Komoditeti në Elbasan është fantastik por fatkeqësisht tifozeria jonë, jo ultras, nuk vijnë për të parë ekipin por kundërshtarin. Vijnë për të parë MbaPpen dhe Ronaldon. Tifozët e vërtetë vijnë për të parë Kombëtaren sot”.
