Në ndeshjen ndaj Andorrës trajneri, Edi Reja, pritet të eksperimentojë me formacionin që do të ndërtojë.
Me pesë mungesa të detyruara si pasojë e dëmtimeve, Reja ka projektuar ndryshime të mëdha për ndeshjen që do të luhet nesër në orën 20:45 në stadiumin “Elbasan Arena”.
Sipas “Panorama Sport”, prurja më e re e skuadrës, Florian Kamberi do të luajë si titullar. Vetëm pak ditë më parë ai u pajis me pashaportën shqiptare, duke i hapur kështu rrugën aktivizimit me fanellën kuqezi.
Skema e skuadrës sipas stërvitjeve të ekipit, pritet të jetë 3-5-2, ku në mbrojtje janë Ismaili, Gjimshiti dhe Veseli. Në mesfushë, nga krahët do të luajnë Roshi dhe Memolla, ndërsa balancën e ndeshjes në mesin e fushës do ta mbajnë Bare, Ramadani dhe Ndoji, ndërsa në sulm priten Manaj dhe Kamberi.
