Gjykata e Tiranës vendosi sot masën e sogurisë “Arrest me burg” ndaj ish-kreut të Bashkisë së Vorës, Agim Kajmaku.
Ndaj tij prokuroria e Tiranës ka ngritur 3 akuza, atë të shpërdorimit të detyrës, falsifikimit të formularëve, dhe ushtrimit të funksioneve pas dhënies fund të detyrës.
Po ashtu ditën e sotme është urdhëruar kontrolli në banesën e Kajmakut.
“Prokuroria e Rrethit Gjyqesor Tirane, ka shpallur në kërkim me masë sigurimi me arrest në burg, në lidhje me hetimin që zhvillohet në ngarkim të shtetasit Agim Kajmaku, i dyshuar për kryerjen e veprave penale, Shpërdorim detyre, sipas nenit 248 të Kodit Penal, fallsifikimi i formularëve, neni 190 i Kodit Penal, dhe Ushtrimi i funksioneve pas dhënies fund të detyrës, neni 249 i Kodit Penal”, njoftoi dje Prokuroria e Tiranës.
Kajmaku, pasi u shkarkua nga KQZ nga detyra e Kryebashkiakut, shkarkoi nga funksionet dy nënkryetarët, e caktuar po nga vetë ai, dhe emëroi shefin e tij të kabinetit, Gent Picari.
Në këto kushte, Këshilli bashkiak është i detyruar ta caktojë Picarin, të besuarin e Kajmakut, në krye të bashkisë.
Për zgjedhjet në Bashkinë e Vorës, Presidenti Ilir Meta, njësoj si në rastin e Shkodrës nuk ka dekretuar një datë të re për mbajtjen e tyre, pasi nuk i njeh votimet e 30 Qershorit, nga ku doli kryetar dhe Kajmaku.
