Jemi dhunuar barbarisht. Kështu u shpreh një nga banoret e Unazës së Re, e cila e cilësoi veprim banditesk ndërhyrjen e policisë dhe IKMT për shembjen e banesave në zonën e Unazës së Re.
Banorja u shpreh se bandat e Edi Ramës dhe Erjon Veliajt sulmuan qytetarët, duke i terrorizuar dhe masakruar.
“Kemi dy vjet që kërkojme dialog por nuk na janë përgjigjur. Kjo që ka ndodhur sot është një genocid. Ishin bandat dhe mercenarët e Veliajt dhe Ramës, nuk ishte Policia e Shtetit”, tha banorja.
Ndërkohë numri i personave që i janë drejtuar spitalit të Traumës për ndihmë mjekësore ka arritur në 12. Dy prej të plagosurve janë dëmtuar nga gazi lotsjellës, ndërsa të tjerët si rezultat i dhunës. Raportohet se ka pasur 5 efektivë të lënduar, por që pas mjekimit janë rikthyer në zonën e përplasjes.
