Një 18-vjeçar i cili ishte në kërkim, është ndaluar këtë mesditë nga Policia në Këlcyrë, për veprën penale “Prodhim dhe shitje e lëndëve narkotike”. Mësohet se i riu, pak ditë më parë, është kapur me 3.4 kg kanabis në motorin e tij. Bëhet me dije se ai u ndalua në aksin rrugor Zyrat e Kuqarit-Seniçan, në një motorçikletë pa targa. Materialet i kaluan Prokurorisë për hetime të mëtejshme.
Njoftimi i Policisë
Këlcyrë.
Kapet dhe ndalohet 1 shtetas i shpallur në kërkim për veprën penale “Prodhim dhe shitje e lëndëve narkotike”.
Në vijim të punës së pandërprerë për kapjen e personave të shpallur në kërkim, shërbimet e Postës së Policisë Këlcyrë bënë të mundur kapjen dhe ndalimin e shtetasit S.S., 18 vjeç, banues në fshatin Fratar, Përmet.
Ndalimi i shtetasit të mësipërm u bë pasi në datën 07.11.2019, në aksin rrugor Zyrat e Kuqarit-Seniçan, në një motorçikletë pa targa, e cila është në pronësi të shtetasit S.S., u gjet një qese me lëndë të dyshuar Cannabis Sattiva, me pesh 3.4 kg.
Materialet i kaluan Prokurorisë për hetime të mëtejshme.
