Ditën e djeshme, u zhvilluan dy ndeshje të vlefshme për javën e 12-të të kategorisë Superiore, ku Skënderbeu arriti një fitore spektakolare me përmbysje ndaj Bylisit në transfertë me rezultatin 2-3, ndërsa sfida tjetër mes Luftëtarit të Gjirokastrës dhe durrsakëve të Teutës u mbyll në barazim pa gola.
Ndërsa ditën e sotme zhvillohen dhe dy çiftet e ndeshjeve të cilat përmbyllin javën e 12-të të kampionatit.
Kukësi do të udhëtojë drejt Laçit, ku sot në orën 13:30 do të përballet me skuadrën më në formë të momentit në Kategorinë Superiore, me synimin për të marrë një tjetër sukses.
Skuadra e Kukësit synon fitoren në këtë ndeshje, pasi janë një skuadër e ndërtuar për titullin kampion dhe nuk mund të lejojnë shkëputjen e Partizanit e cila ndodhet 3 pikë para verilindorëve.
Ndërsa në orën 16:30, në Vlorë do të zbresë kampioni në fuqi i Shqipërisë, Partizani, që do të përballet me skuadrën e vendit të fundit me misionin për të marrë tre pikët dhe për t’u konfirmuar në krye të renditjes.
Tabela e renditjes:
