Kampionët në fuqi, Bayerni i Munihut, lëshuan një sinjal të fortë për konkurrentët, duke shkatërruar me rezultatin 4-0, rivalët direkt për titull, Borussia Dortmund.
Serinë e golave e hap i përhershmi, Robert Lewandowski në minutën e 17- të ndeshjes, duke e mbyllur pjesën e parë në avantazh të një goli.
Më pas në pjesën e dytë, Bajern shënon dhe golin e dytë në minutën e 47-të me anë të Gnabry pas një pasimi të Thomas Muller.
U bë gjithçka më e lehtë për bavarezët, të cilët kontrollonin lojën dhe për të trefishuar rezultatin mendoi sërish Lewandoëski me golin e dytë personal në të 76-ën. Rezultatin final 4-0, e vendosi një autogol i Mats Hummels në minutat e fundit të ndeshjes.
Me këtë fitore Bajerni ngjitet në vendin e tretë, vetëm një pikë më pak se kryesuesit e Borussia Dortmund, me këta të fundit që kanë një ndeshje më shumë për të luajtur.
