Një i moshuar rreth 74 vjeç ka humbur kontaktet me familjarët që prej mëngjesit të djeshëm. Mësohet se i moshuari Dh.B., ka dalë nga shtëpia për të kërkuar bagëtitë në pronësi të tij, por nuk u kthye më në shtëpi.
Forcat e policisë, mejëherë pas njoftimit të rastit, në bashkëpunim me banorë e familjarë, po bëjnë krehjen e fshatit Postenan për të bërë të mundur gjetjen e të moshuarit.
Njoftimi i Policisë
Kolonjë/Informacion paraprak
Në Sallën Operative Kolonjë, jemi njoftuar nga një telefonatë, se shtetasi Dh.B, rreth 74 vjeç, banues në fshatin Postenan, ka humbur kontaktet me familjarët, pasi ka dalë për të kërkuar bagëtitë në pronësi të tij, të cilat nuk ishin kthyer në banesë.
Forcat e Policisë, në bashkëpunim me banorë të zonës dhe punonjës të Njësisë Administrative, që prej mëngjesit të djeshëm, po krehin zonën për të bërë të mundur gjetjen e këtij shtetasi.
Grupi hetimor po punon për sqarimin e rrethanave të ngjarjes.
