Në një kohë kur qytetarët e thjeshtë në të gjithë vendin arrestoheshin dhe dënoheshin për një dritare që hapnin, apo për një mur rrethues, duket se për deputetin socialist Sadri Abazi, ardhja e Rilindjes në pushtet, ka qenë kohë e artë.
Referuar asaj se ccfarë ka ndodhur, deputeti Sadri Abazi, ka ndërtuar pa leje, madje duke zaptuar edhe pronat e ligjshme të qytetarëve, ndërsa ligji nuk ka vepruar.
Jamarbër Malltezi, anëtar i Kryesisë së PD-së, dhe drejtues i Departamentit të Mjedisit në këtë parti, ka publikuar në rrjet një seri fotosh që provojnë se ligji në dorën e Ramës nuk mund të godasë mbi Abazin.
Në javët e fundit Edi Rama me cilësinë e Kryeministrit ka folur mbi KÇK-në, atë që e quan organizatë kriminale, ku sipas tij futen gjyqtarë dhe prokurorë që nuk kalojnë vettingun.
Dhe kur dëgjon Ramën dhe shikon se si veprohet me deputetët apo të besuarit e tij, vështirë të përcaktosh se kush është KÇK-ja.
Deputeti i tij, Sadri Abazi, ka ndërtuar i pashqetësuar, ka ngritur kate pa leje, ka bërë ndërtim të paligjshëm 6 katësh në Tiranë, ka ndërtuar në autostradë.
Të gjitha këto në 2014, 2015 apo 2016, atëherë kur policia e drejtuar nga Saimir Tahiri ndalonte dhe arrestonte ccdo qytetar të thjeshtë, që vendoste një tullë më shumë në murin rrethues.
Nuk dihet nëse në sytë e Ramës, Sadriu mund të futet te ata që ai i quan KÇK (kap ça të kapësh), por në fakt duket se ai kështu ka vepruar.
“Policia që duam” që trumpetohej në atë kohë, nuk mundej të ofrohej te Sadriu, pasi ai ishte jo vetëm deputet i PS-së, por njëherazi mik i Kryeministrit.
Sadriu ndërtonte, ngrinte kate mbi kate pa pyetur për ligj, drejtësi apo rregull.
“Me këto foto që tregojnë se ccfarë domethënie ka ligji për ligjvënësin socialist Sadri dhe shefin e tij të KCCK-së, ju uroj fundjavë të mbarë! i paparë Sadriu: bën katin e 13 pa leje mbi 12-in e peste pa leje!!! Dashnor i drejtësisë është bashkë me tualetin dhe shefin e KCCK që burgosin hallexhinj pse riparon ccatinë pa u kollit tek tualetet në pushtet”, shkruan Malltezi.
