Mesfurshori i avancuar i Milanit, Suso, në një intervistë të dhënë për “Gazzeta dello Sport”, ka folur për situatën e tij te Milani dhe kritikave që ka marrë kohët e fundit, ku ka deklaruar:
“Më pëlqen shumë Milani. Mund të largohesha dy vite radhazi por nuk e bëra. Qëndrova këtu sepse kështu doja. Kushtova zero euro, duke e konsideruar këtë besoj se rendimenti im te Milani është shumë i mirë”.
“Në lidhje me kritikat, kanë të drejtë të vërshëllejnë, sepse as unë , as skuadra, nuk jemi duke bërë mirë, por jam i bindur se nuk më duhet të dëshmoj asgjë. Njerëzit e dinë çfarë mund të bëj. Nëse më kritikojnë do të thotë se presin që të bëj më shumë se sa kaq”.
“Nëse një futbollist nuk kritikohet do të thotë se askush nuk pret asgjë mbi të”, përfundon ai.
