Kryeministri Edi Rama ndodhet në Zvicër ku do të marrë pjesë në forumin që organizohet në Gjenevë me temë “Dialogu strategjik në Ballkanin Perëndimor”.
Por në rrjet, Rama ka postuar një video me një pjesëtar të policisë së Zvicrës, që është nga Gjilani.
“Të fala të gjithëve”, shprehet Rama, ndërsa qesh.
Kur ishte në opozitë, Rama mbahet mend për shprehjen “të fala Sandrit”, ndërsa sot si Kryeministër, duket e ka kthyer “të fala të gjithëve”.
Në forumin ekonomik të Gjenevës marrin pjesë liderë të Ballkanit Perëndimor dhe zyrtarë të Bankës Botërore. Kryeministri Rama pritet ta përqëndrojë fjalën e tij tek zhvillimet rajonale, veçmas pasi BE nuk çeli dritën për hapjen e negociatave të anëtarësimit me Shqipërinë dhe Maqedoninë e Veriut.
Presidenti i Kosovës Hashim Thaçi e ka anulluar pjesmarrjen në forum në momentin e fundit.
