Letra e dërguar KED nga ana e Presidentit të Vendit, i cili kërkon pezullimin e procedurave për plotësimin e vendeve vakante të Gjykatës Kushtetuese është komentuar nga avokati Indrit Sefa. I ftuar në studion e Shijak TV, Sefa se kreu i shtetit në letrën prej 15 faqe ka paraqitur të gjithë argumentet e tij për këtë vendimmarrje. Sipas Sefës, Presidenti mundohet në çdo detaj të respektojë Kushtetutën dhe ka dhënë një shpjegim të hollësishëm. Por ai shprehet më tej presidenti ka kërkuar nga Kuvendi dhe KED të respektojë dispozitat ligjore.
“Pasi Presidenti ka hapur vakancat për dy vende, atë të Sokol Berberit dhe Altina Xhoxhaj që u ka mbaruar mandati, edhe Kuvendi ka hapur vakancat. Në të dyja rastet si nga Kuvendi, ashtu dhe Presidenti janë pothuaj të njëjtët emër. Presidenti deri tani ka dekretuar vetëm Besnik Muçin që është ende në KPA dhe në 12 nëntor pritet vendimi për të. KED ka bërë një lojë procedurale jo korrekte, shmangie nga Kushtetuta. Kandidatin e parë e zgjedh Presidenti, të dytin Kuvendi dhe të tretin e zgjedh Gjykata e Lartë. KED i ka çuar Presidentit listën dhe ky i fundit e ka zgjedhur një anëtarë”, shprehet avokati Sefa. Avokati thotë më tej se KED në këtë rast ka marrë vendimin e vetëm, pasi listën që duhet t’ia çonte më parë Kuvendit ia ka çuar një javë më pas Presidentit.
Në bazë të dispozitave ligjore dhe Presidenti dhe Kuvendi duhet të zgjedhin midis tre emrave që janë të njëjtë, Arta Vorpsi, Elsa Toska, Fjona Papajorgji. Presidenti thotë ai po mundohet në mënyrë të drejtëpërdrejtë t’i thotë KED të respektojë procedurën. Avokati thotë se në këtë rast po i imponohet kandidatura që do zgjedh.
Më pas avokati flet edhe për kriteret e vendosura për kandidimin që sipas tij janë shumë të forta. “Por ne kemi një mangësi të madhe të personave me integritet, ata që së drejtës të cilët nuk kanë aplikuar. Sot kemi 5 kandidat që duhet të plotësojnë vendet vakante”, tha Sefa. Ai shton se nuk është elita dhe nuk mund të jenë në atë vend. Ndërkohë ka shumë personalitete që janë stepur. Ndërkohë Besnik Muçin e konsideron person me integritet dhe profesionist.
