Kompeticioni i dytë me i madh në Evropë, Europa League, rikthehet mbrëmjen e sotme për të luajtur ndeshjet e raundit të katërt ku pritet që skuadrat e mëdha të sigurojnë kualifikimin.
Pesë herë kampionët e këtij kompeticioni, Sevilla, udhëtojnë drejt Luksemburgut ku do të përballen ndaj Dudelange. Skuadrat bëjnë pjesë në grupin A, ku Sevilla dominon gjithçka, ku në tre ndeshje ka marrë pikë të plota, duke shënuar shtatë gola dhe duke mos pësuar asnjë.
Ndërkohë, Manchester United luan në shtëpi ndaj Partizanit të Beogradit, ku me një fitore sot kualifikohet për në fazën tjetër. United kryeson grupin L, në kuotën e 7 pikëve e ndjekur nga AZ Alkmaar në kuotën e 5 pikëve, Partizani i Beogradit në vendin e tretë me katër pikë dhe e mbyll grupin Astana me 0 pikë në tre ndeshje.
Një përballje e fortë është mes gjermanëve të Borussia Munchengladbach dhe italianëve të Romës. Roma vjen pas 2 barazimeve dhe gjendet në kuotën e 5 pikëve, duke kërkuar fitoren për tu shkëputur nga konkurrenca, pasi pas krahëve ka Basaksehir dhe Wolfsberger me nga 4 pikë , ndërsa Monchengladbach luan në shtëpi dhe kërkon të gëzojë tifozët pas deri më tani ka zhgënjyer në këtë kompeticion ku gjendet e fundit me vetëm 2 pikë.
