Kryetari i PD-së, Lulzim Basha ka reaguar pas lajmit të Boldnews.al, Qeveria tallet me pensionistët, iu rrit pensionet 635 mijë pensionistëve 100 lekë, duke e quajtur përbuzje rritjen qesharake për pensionistët.
“Një bukë e 100 gram djathë në muaj është bujaria e Edi Ramës”, u shpreh Basha me anë të një postimi në rrjetin e tij social “Facebook” duke e quajtur një turp dhe tallje të rëndë të qeverisë që po bën me pensionistët.
“Edi Rama ka shtuar diku 2300 lekë të vjetra në muaj, ndërsa për ata në fshat 1300 lekë në muaj”, ka shkruar Basha duke bërë një llogari të thjesht me shifrën qesharake që i shtohet pensionistëve.
Në një reagim në profilin e tij në Facebook Basha shkruan se ky indeksim është një turp i qeverisë në ikje, një masë e pritur me perbuzje.
Postimi i Bashës
Edi Rama po fryn me pompe vendimin per indeksimin me 1.6 perqind te pensioneve, qe ne te vertete eshte nje tallje e rende. Nje tallje me 635 000 pensionistë, sepse sipas llogarise per ata ne zonat urbane, Edi Rama ka shtuar diku 2300 leke te vjetra ne muaj, ndersa per ata ne fshat 1300 leke ne muaj. Pra nje buke e 100 gram djathe ne muaj eshte bujaria e Edi Rames nderkohe qe cmimet sipas INSTATit qeveritar janë rritur me 4.8% për arsimin me 16.3% për frutat dhe 7.1% për zarzavatet. Ky indeksim eshte nje turp i qeverise në ikje, nje mase e pritur me perbuzje. Cfarë të paguajnë më parë pensionistët me këtë rritje? Cmimin e rritur të energjisë elektrike, të urbanit, apo të barnave skarco te Beqes? Asnje vendim i tille qesharak nuk e shpeton Edi Ramen nga pensioni i afert politik.
