UEFA ka publikuar ditën e sotme të dhënat për ndeshjet e radhës të kualifikueseve të Europianit, por në qoftë se për sfidën e Shqipërisë kundër Andorës me datë 14 nëntor është e përcaktuar se do të zhvillohet në Elbasan Arena, nga ana tjetër për takimin me Francën tre ditë më pas ky detaj nuk bëhet me dije.
Ndeshja me Francën ka ngjallur interes të madh tek tifozët e Kombëtares përballë kuqezinjve janë kampionët e botës në fuqi kjo edhe për faktin se në këtë ndeshje pritet të inagurohet stadium i ri i kombëtares, “Arena kombëtare” me një kapacitet tifozësh rreth 22 mijë.
Ajo çfarë vihet re në dyqanin e FSHF që shërben edhe për ndarjen e ftesave për tifozët, janë radhët e gjatë të qytetarëve që presin për të marrë një biletë.
Një e tillë varion me çmimet nga 1500 lekë deri në 5000 lekë të reja të cilat po shiten në Tiranë, në dyqanin pranë FSHF, si dhe në biletarinë në stadiumin “Selman Stërmasi”.
Ndeshja mes djemve të kombëares dhe “gjelave” është lajmëruar nga federate se do të luhet në “Arenën Kombëtare” ndërsa UEFA ende nuk ka dalë me një njoftim zyrtar për vendin se ku do të zhvillohet, teksa shitja e biletave vijon në mënyrë të pandërprerë.
Në axhendën e dy ndeshjeve të fundit në “Euro2020”, UEFA ka bërë publike të gjithë stadiumet ku do të luhen takimet, përjashtim bën vetëm Shqipëri-Francë. /Faxnews/
