Ish-deputeti i LSI-së, Vangjel Tavo, shprehet i shqetësuar mbi vendimin e Qeverisë Rama për t’ia besuar rrjetin 5G në Shqipëri, një kompanie kineze.
“Shqipëria është vend i NATO-s dhe partner i ShBA dhe asnjë iniciativë e qeverisë nuk duhet të vërë në rrezik këtë partneritet të ngushtë dhe cënojë sigurinë e vendit dhe qytetarëve”, shprehet Tavo.
Reagimi i ish-deputetit vjen në vazhdën e kundërshtive ndaj një njoftimi të dhënë nga Kryeministri Edi Rama, i cili njoftonte aplikimin e teknologjisë 5G përmes Vodafone. Menjëherë reagoi ambasada amerikane në Tiranë, që shtroi problemin e sigurisë së të dhënave të qytetarëve dhe kujt do t’i besohej ajo.
Postimi i Vangjel Tavos
Shqipëria është vend i NATO-s dhe partner i ShBA. Asnjë iniciativë e qeverisë nuk duhet të vërë në rrezik këtë partneritet të ngushtë dhe cënojë sigurinë e vendit dhe qytetarëve.
#ProShBA
#JoMarredhenieveQeCenojneAleancatTransAtlantike
