Presidenti serb Aleksandar Vuçiç raportohet se ka pasur biseda telefonike me Kryeministrin Edi Rama atë të Maqedonisë së Veliut, Zoran Zaev.
Mediat serbe shkruajnë se Vuçiç diskutoi për një tjetër takim, që do të mbahet në Ohër, të hënën e ardhshme, mbi krijimin e të ashtuquajturit “Shengen të vogël ose ballkanik”.
Raportohet se Vuçiç ka pasur një bisedë të shkëlqyer me të dy kryeministrat.
Ideja e Shengenit Ballkanik u diskutua në takimin e Novi Sadit ku morën pjesë Vuçiç, Rama dhe Zaev.
“Ka qenë takim trelateral në vazhdën e takimeve të mëhershme. Shumë shpejt pritet të kemi një takim trelateral me Malin e Zi e Kroacinë, me Kroacinë e Kosovën, e kështu me radhë.
Nuk do të jetë ndërmarrje trelaterale. Kryeministri Rama e ka pasur kusht thelbësor të panegociueshëm, që nëse Kosova përjashtohet nga ky bashkëpunim, Shqipëria tërhiqet menjëherë. Aty u është bërë ftesë tri shteteve tjera, Kosovës, Malit të Zi dhe Bosnjës, që t’i bashkohen kësaj iniciative”, ka thënë Gent Cakaj.
Ndërkohë që edhe në Ohër do të vijojë i njëjti format takimi, pra mes Presidentit Vuçiç, Kryeministrit Edi Rama dhe atij maqedonas, Zoran Zaev.
