Cristiano Ronaldo dhe e dashura e tij Georgina Rodriguez, ndoqën nga afër çmimet muzikore, MTV EMAs 2019, mbrëmjen e së dielës.
Çifti i famshëm kishte preferuar ngjyrat e ndezura, por të kundërta. “Ylli” i Juventusit ishte veshur me një kostum të kuq të ndritshëm, ndërsa Georgina kishte zgjedhur një fustan blu elektrizues.
Partnerja e Ronaldos, edhe pse mbante qëndrim serioz nxirrte në pah fizikun e saj në pjesën e qafës dhe gjoksit si dhe me një çarje të lartë në anën e kofshës së majtë.
Më vonë gjatë shfaqjes, Rodriguez pati mundësinë të prezantonte çmimin për bashkëpunimin më të mirë, të cilin e fitoi Rosalia në bashkëpunim me J Balvin dhe El Guincho, me këngën e tyre “Con Altura”.
