Arkeologët kanë zbuluar një “zonë të lashtë industriale” që dikur përdorej për të prodhuar sende dekorative, orendi të ndryshme dhe qeramikë për varret mbretërore. – tha ministri i punëve të antikitetit të Egjiptit.
I përbërë prej rreth 30 fabrikash dhe një furrë të madhe zjarri për të përpunuar qeramikën, kjo hapësirë u zbulua në “Luxor’s Valley of the Monkeys”, sipas një deklarate zyrtare.
Çdo fabrikë kishte një qëllim të ndryshëm. Disa u përdorën për të bërë qeramikë , disa të tjera për të prodhuar artifakte floriri, dhe të tjerat për të prodhuar orendi të ndryshme”. – tha arkeologu Zahi Hawass, i cili udhëhoqi kërkimin.
Në vendndodhje, e cila shtrihet për rreth 75 metra, skuadra e Hawass, u gjetën rruaza zbukurimesh, unaza argjendi, dhe fleta metalike të arta, sende që përdoreshin zakonisht për të dekoruar arkivole të drunjta të mbretërisë së lashtë Egjiptiane, tha ai.
“ Kjo është e paprecedentë, deri më tani, çdo gjë që dinim rreth zonës së Luxor vinin nga varret vetë, por ky zbulim i ri na lejon të zbulojmë rreth mjeteve dhe teknikave që përdoreshin për të prodhuar arkivole mbretërorë.”
Sipas Hawass, zbulimi shënon herën e parë që punëtoritë, bënin zbukurime funerale në një “shkallë industriale” të zbuluara në Egjipt. Ai tha se vendi do të sigurojë një pasqyrë të mëtejshme, të jetës së punëtorëve që kanë punuar atje.
“Ne gjetëm dhoma ruajtjeje të përdorura për të mbajtur ujë dhe ushqim,” shpjegoi ai.
Artifaktet besohet se datojnë nga Dinastia e Tetëmbëdhjetë e Egjiptit, e cila shtrihej nga rreth vitit 1539 B.C deri në 1292 B.C. Zona është provuar e vështirë për tu gërmuar deri më tani, tha Hawass, duke shtuar: “Më duhej të kisha hequr mbi 3000 gurë për të hyrë në të”.
