Nënkryetari i PD-së Edi Paloka përmes një postimi në rrjet shkruan se protestat te “Unaza e Re dhe Teatri Kombëtar janë dy ishujt e lirisë në Tiranën e satrapëve”.
Ndërsa vlerëson protestat e nisura prej më shumë se 1 viti, Paloka shkruan se një njeriu, por dhe një populli të tërë, nuk i hypen dot kush në shpine, nëse ai nuk ul qafën dhe përkulet vetë…
“Një vit protestë e pandalshme mes sakrificave, dhunës e burgjeve.
Dy protesta që nuk janë më vetëm të qytetarëve të Unazës apo artistëve dhe qytetarëve që mbrojnë Teatrin.
Dy shembuj se mbi të keqen fitohet vetëm duke reaguar. Asnjëherë përpara atij që kërkon dhe bën keq nuk duhet ulur koka. Heshtja dhe ulja e kokës sjell triumfin e së keqes.
Një njeriu, por dhe një populli të tërë, nuk i hypen dot kush në shpine, nëse ai nuk ul qafën dhe përkulet vetë…”, shkruan Paloka.
