Kanë 13 vjet bashkë dhe romanca e tyre duket si një film me shumë momente të bukura, por edhe kriza e ndarje të përfolura. Por çdo gjë e ka një fund, ashtu si edhe lidhja e tyre .
Pas ndarjes së bujshme të tyre, Roberti së fundmi në një intervistë për “Mirage”, la të kuptohet se ai dhe Nora mund të rikthehen bashkë dhe se kjo ndarje ishte thjesht një pauzë. Roberti deklaroi gjithashtu se ai dhe Nora nuk janë divorcuar zyrtarisht.
Pas deklaratës së Robertit, Nora ka reaguar duke postuar dy foto në Instagram ku shfaqet superseksi e veshur me fustan të zi.
Madje në njërën prej fotove këngëtarja tregon pak më shumë se ç’duhet. Këto foto që i kanë lënë gojëhapur ndjekësit e Norës duket se janë një përgjigje ndaj Robertit.
Ndërkohë “Prive” ka zbuluar se këngëtarja po punon për një këngë të re, e cila do të publikohet në fund të nëntorit. Kënga do të jetë solo dhe për xhirimin e klipit Nora ka udhëtuar në disa qytete jashtë vendit.
