Gjykata e Vlorës la në burg sot Eduart Xhezon, i cili vrau për një kalë Arben Beqirajn. Gjyqtarja Erila Çela ka vendosur masën e arrestit me burg, në përputhje me kërkesën e prokurorit Hyrjet Lamaj.
Ngjarja ndodhi më 4 gusht të këtij viti, ku pas një konflikti Xhezo la të vdekur biznesmenin Beqiraj, u plagos djali i tij Ergest Beqiraj, nipi Brikelo Beqiraj dhe Nestim Hodaj.
Një person që kalëronte në plazhin e administruar nga Beqirajt u kthye në mollë sherri, ku mbeti viktimë pronari.
34-vjeçari, i cilësuar nga policia me rrezikshmëri të lartë është arrestuar në Durrës rreth 3 muaj pasi ndodhi ngjarja.
