Kapiteni i Arsenalit, Granit Xhaka deri më tani ka refuzuar kërkesën e klubit për t’i kërkuar falje fansave, për gjuhën dhe gjestet e tij gjatë ndeshjes të së dielës, kundër Crystal Palace.
Ai gjithashtu nuk shtrëngoi duart me trajnerin Unai Emery, dhe hoqi fanellën përpara se të drejtohej në dhomat e zhveshjes.
Mesfushori me origjinë shqiptare u kritikua për sjelljen e tij, por sipas raportimeve akoma ka mbështetjen e shokëve të skuadrës, të cilët janë të irrituar për mënyrën se si Xhaka u trajtua nga tifozët.
Emery, ka biseduar të hënën me Xhakën, gjatë një telefonate rreth incidentit, dhe klubi i ka bërë kërkesë për të bërë falje publike. – sipas “The Sun”.
Gjithsesi, përpjekjet e tyre nuk kanë rezultuar pozitive deri më tani, pasi Xhaka akoma nuk ka thyer heshtjen.
Ndërsa nga raportime të tjera, nga “The Times”, mesfushori i cili fiton rreth 100.000 mijë paund në javë, pritet të njihet me masat ndëshkuese, pasi trajneri Emery të takohet me drejtorin teknik për të diskutuar masat e nevojshme.
