Mes shumë problematikash, studentët e Universitetit të Tiranës do të përfitojnë shërbime mjekësore falas ose me çmime të reduktuara edhe në spitalet private. Pas marrëveshjes me një sërë institucionesh publike apo kompani private Spitali Amerikan, u vjen në ndihmë studentëve përmes shërbimeve falas apo edhe atyre me çmime të reduktuara.
Gjatë ditës së sotme është nënshkruar marrëveshja edhe me Univeristetin e Tiranës ku të gjitha shërbimet e urgjencës për studentët do të jenë falas, ndërsa për shërbimet e tjera me çmime të reduktuara. Një marrëveshje e tillë është një tjetër arritje dhe ndikim pozitiv i Spitalit Amerikan i cili përmes kësaj nisme ka hedhur njëkohësisht edhe themelin e një kulture të re të kulturës së shëndetit në brezin e ri.
Administratori i Spitalit Amerikan, Klodjan Allajbeu vlerësoi nismën e ndërmarrë si një sukses tjetër të këtij spitali, teksa i vjen në ndihmë direkte të rinjve gjatë periudhës së tyre studentore.
“Është një nismë shumë e veçantë e cila ka qenë e munguar ndër vite për ta bërë studentin pjesë të rëndësishme të jetës tonë, pasi studentët janë e ardhmja e këtij vendi. Për këtë arsye, Spitali Amerikan mori angazhimin të jetë pjesë e kësaj dhe të kontribuojë me shërbime falas në sektorin e urgjencës, po ashtu me një ulje të rëndësishme në shërbimet diagnostike, që do të shkojnë në 30% për të gjithë këta, qofshin në universitetet publike dhe private. Një ulje 30% të diagnostikës dhe 20% në shërbimet e tjera spitalore”, deklaroi Allajbeu.
Ai tha se Spitali Amerikan është një ndër kompanitë që ka punësim në nivelin më të lartë në vend, rreth 3 mijë, ndërkohë që vijon mbështetje edhe për punësimin e mjekëve dhe infermierëve të rinj si dhe bursa për më të mirët.
Në qytetin e Tiranës nëpërmjet kartës së studentit përfitojnë shërbime nga Spitali Amerikan 21.887 studentë. /Boldnews.al/
