Presidenti Kilian, Sebastian Pinera të shtunën i ka kërkuar të gjithë anëtarëve të kabinetit të tij të japin dorëheqjen, pasi përgatitet të ndryshojë thellësisht qeverinë në përgjigje të valës së protestave.
Ai premtoi një kabinet të ri, për të “përballuar të gjitha kërkesat dhe të hapë një histori të re”.
Në Kili të premten u zhvillua një protestë historike në kryeqytetin e vendit, Santiago, duke u mbledhur rreth 1.2 milionë njerëz.
Ata kanë protestuar për paga, pensione,shkolla, e spitale më të mira, mes edhe shumë kërkesave të tjera.
Piñera është përgjigjur duke rritur pensionet dhe pagën minimale, si dhe duke anuluar rritjen e tarifave të metrosë shkaku i nisjeve të protestave të dhunshme. Ai tha se po konsideron gjithashtu uljen e tarifave të ujit dhe tarifave të autostradave.
