Pavarësisht se arriti të marrë pole position natën e djeshme, Max Verstappen do të niset në vendin e katërt në garë.
Pilotit holandez i është komunikuar një penalitet prej tre pozicionesh, pasi nuk uli shpejtësinë duke injoruar flamujt e verdhë që valëviteshin pas aksidentit të Valteri Bottas.
Ndërkohë në këtë situatë, përfiton Ferrari me 2 pilotët e tyre në vijën e parë të nisjes, ku Charles Leclerc do të niset i pari, duke u ndjekur nga Sebastian Vettel, dhe Lewis Hamilton.
Çmimi i madh i Meksikës, mund të rikonfirmojë Lewis Hamilton si kampion bote, nëse arrin të grumbullojë 14 pikë më shumë se shoku i skuadrës Bottas.
Gara zhvillohet sonte në mbrëmje, ora 20:10.
