Lëkundje të reja tërmeti janë ndjerë ditën e sotme në vend. Sipas IGJEUM, lëkundja e tërmetit ka qenë me magnitudë 2.9 dhe me epiqendër 1 km ne jug- perëndim të Karpenit në Durrës.
Për fat të mirë lëkundjet kanë qenë të vogla dhe nuk kanë shkaktuar frikë tek qytetarët. Lëkundjet janë regjistruar paraditen e sotme, në orën 10:46 minuta.
Gjithashtu lëkundje tërmeti janë ndjerë sot rreth orës 12:46 në Shijak. Epiqendra mësohet të jetë 20 kilometra larg Tiranës.
Tërmeti kishte një thellësi prej 30 km dhe magnitudë 2.9 të shkallës rihter. Kujtojmë se lëkundje të njëpasnjëshme po ndjehen në vend, që pas tërmetit të datës 21 shtator i cili shkaktoi shumë dëme.
