Nga Boldnews.al
Kryetari i Bashkisë së Tiranës Erion Veliaj e ka mbushur profilin e tij në rrjetet sociale me mijëra foto dhe video të fëmijëve të kryeqytetit. E ka nisur që nga çerdhet, kopshtet shkollat dhe kudo tjetër. U publikon fytyrën, i përdor si imazh kur janë në bankat e shkollës, kur luajnë në oborr në botën e tyre të padjallëzuar. Por gjithnjë ka një djall që mendon sesi edhe këtë pjesë të shoqërisë ta përdorë, në një interes fare të ngushtë, të një individi apo pushteti.
Por diçka çedon në këtë pikë. Lali Eri nuk ndjek të njëjtën praktikë për djalin e tij.
Asnjëherë të vetme nuk i ka publikuar fytyrën, në çdo foto që hedh me të, kujdeset që të mos e identifikojë. Padyshim që kjo është një zgjedhje që shumë prindër që kanë preferuar që të ruajnë imazhin e të miturve.
Është një formë që ndiqet gjerësisht edhe në vendet e tjera të zhvilluara, ku nuk mund të imagjinohet që një kryebashkiak të shfrytëzojë fëmijët e mitur për të rritur prestigjin e tij në propagandë. Dhe televizionet kombëtare e lokale, të vëna në shërbim të Lalit që të jep leje ndërtimi dhe ofron benefite të tjera, u transmetojnë pamjet sikurse i vijnë, pa asnjë filtër, pa asnjë mbrojtje, ku më së paku u mbulohet fytyra. E ky tmerr, në përdorimin e fëmijëve për të pastruar imazhin e një pushtetari, vijon pa fund. Hapet nga një profil zyrtar në rrjetin social në botën e madhe televizive.
Sot qytetarët e Tiranës, fëmijën e dërgojnë në çerdhe, kopsht dhe shkollë, por në çdo moment me rrezikon se aty do të bujti Lali Eri me një tufë të madhe piar-istësh nga pas që bëjnë video, qindra foto dhe me vrap drejt qendrave të montazhit, në përzgjedhjet e imazheve për ti shërbyer propagandës së ulët, malinje, të pandershme dhe mbi të gjitha të dënueshme nëse do të ishin në një vend demokratik.
Nëse Veliaj është kaq dashamirës pas fëmijëve, përse djalin e tij e fsheh nga aparatët dhe kamerat? Ky dallon biri yt nga bijtë tanë që i përdor, kur prindërit e tyre nuk i publikojnë as në faqet personale në rrjetet sociale, por ti ua dërgon imazhin në qindra mijëra ndjekës të tu?
Nuk është momenti të merremi me djalin e tij. Ai është një krijesë e padjallëzuar, duke u rritur, sigurisht mes të mirash. Të ketë shëndet të plotë e mbi të gjitha u rriste i mbarë si një qytetar i mirë i vendit. Por ky fëmijë i yti, një ditë nuk do ta kuptojë babi Erin, ose edhe mund të mos i pranojë veprimet e tij. Fëmijët duhen të jenë të barabartë, i pushtetarit apo të papunit, i hajdutit të parasë publike apo i të vobektit që jeton me stërmundim, i lejedhënësit të pallateve e kullave, apo i atij që nuk ka çati mbi krye.
Megjithatë, Lali Eri do vazhdojë gjatë me këtë “sport” të rëndë, në përdorimin e imazhit të fëmijëve, pasi nuk ka gjykatë që mund ta ndalë, nuk ka shoqatë të mbrojtjes së të drejtave të fëmijëve që mund ti kërkojë Lal propagandës të ndalë marrinën që po bën.
