Pas 6 orësh diskutime dhe përplasje, Asambleja Kombëtare e Partisë Socialiste përfundoi sot mbledhjen. Kryetari i Grupit Parlamentar socialist, Gramoz Ruçi u afrua pranë kamerave të televizioneve për të njoftuar se pas 2 orësh do të publikohen në mënyrë transpante të gjitha vendimet e Asamblesë në faqen www.ps.al.
“Cilat ishin vendimet e Asamblesë, mendimet apo zugjerimet pas 2 orësh cfarë është thënë pa as më të voglin censurë do ta gjeni në faqen online të PS. Nuk mund të them asgjë. Deri më sot, keni 6 muaj që keni thënë gjithçka për PS, por atje të nxirrni konkluzionet.”– deklaroi Ruçi.
Madje edhe kur u pyet për qëndrimin e deputetit Ben Blushi, Ruçi e orientoi gazetarin të hapë faqen zyrtare të Partisë Socialiste për tu informuar.
Por edhe pse kanë kaluar mbi 5 orë nga përfundimi i Asamblesë së Përgjithshme të Partisë Socialiste, ende nuk janë publikuar vendimet. Mos vallë thirrja e Ruçit shkoi në vesh të shurdhët apo zyra e shtypit po merret për të zbehur të vërtetën ?
