Kryeministri Edi Rama ka vijuar edhe sot replikat në distancë me kreun e PD-së, Lulzim Basha, përmes rrjeteve sociale.
Një ditë më parë, Basha akuzoi qeverinë si përgjegjëse për dështimin në hapjen e negociatave me BE, ndërsa Rama iu përgjigj me një thënie të Presidentit Tusk.
Sot Rama ka zgjedhur një shprehje të Jean Claude Juncker.
Juncker në deklaratën e cituar nga Rama shprehet: “Refuzimi i Shqipërisë dhe Maqedonisë së Veritu është një gabim historik. Nesë duam të respektohemi, duhet të mbajmë premtimet”.
Ndërkohë nga ana tjetër Rama citon një deklaratë të Bashës i cili ka thënë: Vendimi për të mos hapur negociatat është dështim i qeverisë shqiptare.
