Mbrojtësi Shqiptar, Kastriot Dermaku bëri dje debutimin e tij në Seria A.
Mbrojtësi e nisi takimin nga minuta e parë, duke përfituar nga dëmtimi i Bruno Alves, dhe në fund arriti të bëjë një paraqitje mbresëlënëse, në ndeshjen që Parma e tij arriti ta fitonte me rezultatin 5-1 ndaj Genoas.
Ai komentoi pas ndeshjes për mediat italiane, duke thënë: “Për mua ishte një emocion i jashtëzakonshëm. Shokët më kanë ndihmuar shumë duke arritur deri këtu”.
“Zhvilluam një ndeshje shumë të mirë, ku ishim solid në repartin difensiv dhe shfrytëzuam pothuajse në maksimum të gjitha rastet që patëm para portës.”
“Për sa i përket debutimit, e dija se ky moment do të vinte. Gjej rastin të falënderoj të gjithë ata që më kanë ndihmuar që ta pres këtë moment me qetësi”
“Babai im e mori vesh vonë që do të startoja ndeshjen, dhe kështu mori avionin menjëherë nga Kosova për të qenë i pranishëm në tribunë.” – shtoi mbrojtësi shtatlartë.
Gjithashtu Dermaku, nuk ngeli pa falënderuar dhe stafin e kombëtares Shqiptare, të cilët sipas tij i dhanë minuta në këmbë ne ndeshje të rëndësishme edhe pse ai nuk kishte luajtur mjaftueshëm me klubin Italian.
