Pas armëpushimit me Turqinë, SHBA ka ndërmarrë një tjetër hap të rëndësishë. Trupat e fundit amerikane në Siri do të stacionohen në perëndim të Irakut.
Kështu deklaron sekretari i Pentagonit Mark Esper. 1000 trupat ushtarake të SHBA-së do të zhvendosen në Irak për të luftuar forcat terroriste të ISIS-it.
“Tërheqja e trupave amerikane vazhdon nga verilindja e Sirisë. Bëhet fjalë për disa javë, jo për disa ditë. Strategjia synon të pozicionojë forcat ushtarake në perëndim të Irakut’’, bën me dije zyrtar i lartë i komandës ushtarake amerikane.
Ditë më parë, SHBA-ja dhe Turqia firmosën marrëveshjen e armëpushimit në Siri teksa ushtria turke sulmoi verilindjen e Sirisë, ku banon minoriteti kurd. Tërheqja e trupave amerikane për t’i hapur rrugë ofensivës së ushtrisë turke u konsiderua tradhti nga kurdët.
