Një restorant luksoz në periferi të Tiranës u mbyll në kuadër të aksionit kundër informalitetit.
Njoftimi është bërë nga nënkryeministri Erion Braçe, i cili njofton se ky restorant u kap për herë të dytë pa dokumentuar transaksionet me kupon tatimor.
Ai ironizon pronarët e restorantit duke thënë se nuk mund të fitosh duke marrë edhe pjesën e shtetit dhe duke shmangur lëshimin e kuponit edhe pse restoranti qëndron plot e përplot.
“Evazioni fiskal është pabarazi. Ky është super restoranti Iluminatium buzë Erzenit, në juglindje të Tiranës, poshtë urës së “Peshkatarit”; U mbyll pak më parë. Inspektorët e tatimeve rajoni qendër, e gjetën për herë të dytë pa dokumentuar transaksionet me kupon tatimor! Zotëri sipërmarrës, boll me paligjshmëri! Cdo fundjavë e ke restorantin plot e përplot; Fiton ti që çke me të, përse nuk pret faturë tatimore e kupon tatimor?! Mirë shtetit, po vetes përse i bën dëm?
Të kushton shumë më lirë të jesh i ligjshëm; Fiton vetë e shlyen detyrimet ndaj shtetit. Vetëm kështu do jesh rehat e i qetë në sipërmarrjen tënde! Mos ju jep tundimit të superfitosh duke marrë edhe pjesën e shtetit!”, shkruan Braçe.
