Një aksident i frikshëm ndodhi mbrëmjen e djeshme tek ministria e Arsimit në Tiranë, ku një automjet tip “Range Rover”, është përplasur me një “Golf”. Një dëshmitar ka dërguar edhe pamje nga vendi i ngjarjes në redaksinë e , ku shihet mjeti tip “Golf”, i cili ka pësuar dëmtime të konsiderueshme në pjesën e përparme.
Sipas qytetarit, fatmirësisht nuk ka pasur persona të lënduar, por veç dëme materiale. Ai shton se automjeti tip “Range Rover” u largua nga vendi i ngjarjes, ndërsa shkaktari i aksidentit sipas tij ka qenë mjeti “Gol”, i cili bëri një manovër për t’u kthyer në drejtim të rrugës “Fortuzi”, duke përplasur makinën tjetër të përfshirë në aksident.
“Pershendetje joq! Aksident tek ministria e arsimit LIVE. Kam bere vetem kete foto pasi i kisha te gjithe ngjitur dhe kisha hall mos me thonin gje… spati vetem deme por gjithe lagjia doli dhe copat e makines iken mbas shpreses! Makina range rover qe u perplas iku ne drejtim te ish ambasades jugosllave, po shkaku aksidentit ishte per faj te golfit sepse nuk lejohet te kthehesh majtas ne drejtim te rruges fortuzi. Flm”, shkruan qytetari.
