Një telefonatë që pretendonte se një gjyqtari i ishte vendosur lëndë shpërthyese në makinë, ka alarmuar policinë e Korçës. Alarmi është dhënë nga burgu i Drenovës në Korçës direkt në celularin e gjyqtarit, i cili ka denoncuar në polici rastin.
Pas verifikimeve të bëra, policia nuk është zbuluar asgjë në makinën e gjyqtarit Markelian Kuqo dhe policia e ka klasifikuar rastin si një alarm fals.
Gjithashtu, policia ka marrë në mbrojtje gjyqtarin.
“Nga një telefonatë, jemi njoftuar se në lagjen nr.3, pranë Gjykatës së Shkallës së Parë Korçë, në mjetin tip ‘Benz’, në pronësi të gjyqtarit M.K, i cili ndodhej i parkuar në garazhin e Gjykatës, ishte vendosur një sasi lënde e dyshuar plasëse. Menjëherë në vendngjarje, shkuan shërbimet policore të cilat bënë rrethimin dhe sigurimin e zonës. Pas verifikimit dhe veprimeve të kryera nga Njësia Antieksploziv, në mjet nuk u konstatua sasi plasëse. Grupi Hetimor nën drejtimin e Prokurorisë, po kryen veprimet e mëtejshme proceduriale dhe po punon për identifikimin dhe kapjen e autorit, i cili ka kryer njoftim të rremë në organet e rendit”, njoftoi policia.
Gjyqtari i Korçës reagon pas alarmit për bombë: Ja kush ma bëri telefonatën
Mori telefonatë për bombë, kush është gjyqtari dhe lidhja me çështjen e “të fortit të Tiranës”
