Komisioni i Venecias refelektoi në raportin final, duke mos gjetur asnjë shkelje të Kushtetutës nga Presidenti i Republikës, Ilir Meta. Kështu shkruan nënkryetari i LSI-së, Petrit Vasili, në një postim në rrjet, duke shtuar se dekretet e Presidentit janë në fuqi pasi nuk janë ankuar në asnjë gjykatë, ndërsa kërkon që komisioni hetimor parlamentar të pushojë së ekzistuari.
“Edi Rama dhe rilindja u diskredituan, u poshtëruan dhe u përdhosën si armiq të Kushtetutës, të ligjit dhe të Shqipërisë.
Votimet moniste-puniste te Edi Ramës u konfirmuan nga Venecia si 100% te paligjshme dhe njolle e zeze për Ramën dhe rilindjen.
Komisioni hetimor për shkarkimin e Presidentit si një kor sorrash të zeza duhet pushojë menjëherë së ekzistuari, për t’i dhënë fund një neverie që vjen erë “psikopatie” të Edi Ramës”, shkruan Vasili.
Reagimi i plotë:
Venecia reflektoi e ndryshoi thellë, ZERO shkelje kushtetute nga Presidenti, rilindja te ike!!(FOTO)
Tani te mbyllin gojen dhe te ikin se rrahën ujë ne havan për 4 muaj me shkarkimin e marrë te presidentit!
Edi Rama dhe rilindja u diskredituan, u poshtëruan dhe u përdhosën si armiq te kushtetutës, te ligjit dhe te Shqipërisë.
Venecia reflektoi thelle dhe raporti final i saj pasqyron ndryshimet thelbesore nga raporti paraprak.(FOTO).
Reflektimi gjithmonë mbetet vlerë e shtuar
As edhe një shkelje e vetme e Kushtetutës.
Dekretet e presidentit janë në fuqi te pa ankuara apo sfiduara ne asnjë gjykate ne Shqipëri a jashtë saj.
Votimet moniste-puniste te Edi Ramës u konfirmuan nga Venecia si 100% te paligjshme dhe njolle e zeze për Ramën dhe rilindjen.
Fale dekreteve te Presidentit u evitua gjakderdhja aq e desheruar nga Edi Rama.
Presidenti veproi me përgjegjshmëri te plote, ne respekt absolut te Kushtetutes dhe mbrojti pluralizmin dhe demokracine si shtyllat fondamentale te rendit demokratik dhe i sherbeu me patriotizem te tashmes dhe te ardhmes europiane te vendit.
Ka vetem nje shkeles e dhunues te kushtetutes dhe ligjit ky eshte Edi Rama.
Komisioni hetimor per shkarkimin e presidentit si një kor sorrash te zeza duhet pushoje menjehere se ekzistuari, per ti dhene fund nje neverie qe vjen ere “psikopatie” te Edi Rames.
Deshtuan me turp me Venecian,deshtuan me turp me hapjen e negociatave tani te ikin se boll u jargaviten mbas kembeve te karrigeve te pushtetit.
