Policia e Tiranës ka vijuar edhe sot terrorin ndaj banorëve të Unazës së Re, që janë mbledhur te Gjykata Penale e Tiranës, në përkrahje të atyre që u arrestuan gjatë dy ditëve te fundit.
Tre banorët e Astirit të arrestuar tre ditë më parë nga policia dalin sot para Gjykatës për masën e sigurisë.
Ilir Katiraj, Gramoz Shehu dhe Skënder Doda akuzohen për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”.
Para gjykatës janë mbledhur dhjetëra banorë të Astirit në mbështetje të tyre.
Por sërisht policia, në forca të shumta, ka ushtruar terror, madje duke shoqëruar edhe një prej qytetarëve që fliste me megafon.
