3 me 1 u mbyll miqësorja e djeshme mes Kaljarit dhe skuadrës polake Pogon, por ajo që po bën xhiron e rrjetit dhe mediave nuk është aspak rezultati, por skenat e tifozëve menjëherë pas përfundimit të sfidës.
Ultrasit polakë të cilët kishin udhëtuar drejt Italisë për të mbështetur skuadrën e tyre, janë përleshur në rrugët e Sardenjës me tifozët e Kaljarit.
Nëpërmjet videove që po qarkullojnë në internet, shihen tifozët e të dyja ekipeve që përleshen me njëra-tjetrën. Nuk kanë munguar shishet, tavolinat apo edhe karriget të cilat shkonin nga njëra anë në tjetrën, duke shkaktuar kështu edhe rrëmuja të mëdha në qytetin italian.
