Edi Reja gjatë konferencës para mediave në vendi tonë, shprehet optimist, ku thekson besimin që ka tek skuadra dhe paralajmëron një surprizë ndaj Turqisë.
Për sa i përket formacionit që do të zbresë ne fushë, ditën e fundit disa lojtarë kanë shfaqur shqetësime të vogla dhe nuk përjashtohet mundësia e ndonjë surprizë të madhe, por me sa është kuptuar gjatë seancave stërvitore, trajneri do të ndërtojë një formacion, bazuar mbi atë skuadër që mundi Islandën.
Thomas Strakosha pritet të jetë titullar ndaj Berishës. Përpara tij në krahun e majtë të mbrojtjes do të rreshtohet Veseli, Gjimshiti në qendër dhe Ismajli si qendror i djathtë. Ndeshjen në qendër të mesfushës pritet ta kontrollojnë Bare, Memushaj dhe Klaus Gjasula. Ndërsa krahët do të përbëhen nga Roshi dhe Lenjani përkatësisht nga e djathta dhe e majta.
Në sulm , trajneri Reja pritet ti besojë dyshes që solli fitoren ndaj Islandës Rei Manaj dhe Sokol Cikalleshi.
