Kryetarja e LSI-së, Monika Kryemadhi, i është përgjigjur në studion e Syri TV, pyetjes se pse opozita ka frikë të përballet në zgjedhje me Edi Ramën, ndërsa në Kosovë opozita u përball me maxhorancën në pushtet, edhe fituan.
“Opozita e Shqipërisë nuk pati frikë. Mos harroni që në Kosovë pati një komunitet ndërkombëtar që nuk u bë palë me pushtetin.
Mos harroni që pati ndërkombëtarë që nuk u përfshinë në fushatë, por sensibilizuan qytetarët që të denonconin blerjet e votave. Pra janë dy gjëra të ndryshme.
Kosova ka një Gjykatë Kushtetuese, me vetëm 11 vite shtet. Pra në Shqipëri nuk ke asgjë, as nga SHBA, as nga BE, që dëgjojnë kryeministrin”, tha Kryemadhi.
Ajo tha më tej se e shikon Kodin Zgjedhor si një pikë dialogu politik. “Kjo është çështje e vullnetit politik, jo sistemi”, tha Kryemadhi.
