Ministri i Punëve të Jashtme i Spanjës, Josep Borell, ka marrë postin e Përfaqësuesit të Lartë të BE-së për Politikë të Jashtme dhe Siguri.
Ditën e hënë, Borell do të paraqitet përpara Komitetit për punë të Jashtme të Parlamentit Evropian, dhe do të merret në pyetje për gati 3 orë nga deputetët.
Një gjë e tillë do të bëhet për të testuar përshtatshmërinë dhe gatishmërinë e tij për të marrë në dorë një nga funksionet më të rëndësishme të Bashkimit Evropian.
Njëra nga temat kryesore për të cilën do t’i kërkohen përgjigje nga Borell do të jetë edhe çështja e dialogut ndërmjet Kosovës dhe Serbisë.
Gjatë kësaj seance tre orëshe Ministri i Jashtëm spanjoll do të merret në pyetje në lidhje me planet e tij për zgjidhjen e problemit të Kosovës, dhe vazhdimit të dialogut ndërmjet Prishtinës dhe Beogradit. Kështu i kanë thënë agjencisë së lajmeve ‘tanjug’, burime nga Parlamenti Evropian.
