Tre vjet më parë Pëllumb Marknikollaj, 28 vjecc, u gjet i vdekur në komisariatin e policisë Ano Patisia në Athinë. Prej atëherë familjarë të të riut nga Lezha kërkojnë drejtësi, por pa mundur t’a gjejnë atë.
Familjarët kanë bërë çdo përpjekje për të zbardhur ngjarjen. Së fundmi, përmes një videojev të bërë publike nga gazetari dhe aktivisti Aulon Kalaja, babai i Pëllumb Marknikollajt ka bërë thirrje për drejtësi para varrit të djalit të tij.
“Vrasjet e shqiptarëve nga uniformat greke janë kthyer në fenomen në shtetin fqinj”, shkruan Kalaja në postimin që shoqëron videon.
Ngjarja e rëndë e ndodhur më 3 Gusht 2016 në Rajonin e Policisë Agjio Lavro në Ana Patisia, të Athinës.
Viktima kishte një vendim gjykate detyrim paraqitje në polici dhe ai si zakonisht ishte paraqitur për të firmosur në polici duke respektuar ligjin dhe vendimin e gjykatës, me mendimin të rikthehej sërisht në shtëpinë e tij, por ka ndodhur krejt ndryshe, Marnikollaj u paraqit për mos tu kthyer më kurrë.
Pasi ka humbur kontaktet telefonike me shokun e tij, ky i fundit është shqetësuar dhe është vënë në kërkim të tij. Kanë qënë shokët e viktimës që i janë drejtuar avokates greke Maria Konstantopoulou për ndihmë e cila menjëhere ka shkuar në Rajonin e Policisë Agio Lavro në lagjen Ano Patisia të Athinës, ku është informuar se i riu shqiptarë nga Lezha kishte ndërruar jetë dhe ndodhej në morgun e një spitali aty afër. Avokatja ka gjetur vendodhjen e viktimës dhe ka bërë identifikimin permes njerëzve të afërt të 28 vjeçarit.
