Ndarja nga jeta e personave më të dashur, është një nga ngjarjet më të vështira për t’u tejkaluar.
Këtë gjë e provojnë më së miri edhe disa nga shembujt që do të sjellim sot në “Dosja.al”, ku miq dhe familjarë e kanë pasur shumë të vështirë që të tejkalojnë humbjen e personit të tyre më të dashur.
Personazhet e mëposhtëm janë të gjithë figura publike që kanë ndërruar jetë në moshë të re si pasojë e sëmundjeve, aksidenteve apo edhe “vetëvrasjeve.”
1- Ergi Dini
Fillojmë me rastin më të fundit, atë të këngëtarit Ergi Dini, i cili humbi jetën gjatë një aksidenti me motor në moshën 25-vjeçare.
Më 21 nëntor të tre viteve më parë u dha lajmi se këngëtari Ergi Dini ndërroi jetë, duke lënë pas dy motrat dhe prindërit.
Edhe sot motra e tij, po ashtu këngëtare Barbana, e kujton në çdo postim duke shënuar edhe fytyrën e tij në trup me një tatuazh. Në intervista të ndryshe ajo ëstë shprehur se e ka pasur shumë të vështirë që të mësohej pa prezencën e tij.
2- Gent Demaliaj
Më 27 janar të 2015 për shkak të një sëmundjeje të rëndë ndërroi jetë lideri i grupit “Djemtë e Detit” Gent Demaliaj. 40-vjeçari vuante prej kohësh nga një sëmundje e rëndë e cila i mori edhe jetën.
Përveç kolegëve dhe homazhe që iu bënë në të gjithë emisionet muzikore të kohës, vajza e tij Edea Demaliaj i kushtoi në këngë të titulluar “Ne”.
3- Dr. Flori
Për shkak të një mbidoze, Dr. Flori ndërroi jetë më 17 nëntor të vitit 2014, vetëm disa javë pasi ishte bërë baba për herë të dytë. Për shkak të popullaritetit dhe personazheve të njohur që ishin shokë me të, figura e tij u përmend kudo, madje miku i tij i ngushtë Ermal Mamaqi i dedikoi një emision të tërë.
Edhe pse kanë kaluar plot 5 vjet që nga ndarja e tij nga jeta, gruaja, fëmijët, vëllai dhe shokët nuk e kanë harruar ende. Disa prej tyre i kanë dedikuar edhe tatuazhe me numrin 23, shifra e tij e fatit. Ndërsa vëllai i tij, Albani, i ka vendosur emrin djalit të tij Florian në nder të Dr.Florit.
4- Elsina Hidersha e njohur Emy
Elsina Hidersha e njohur me emrin e artit “Emmy” u nda nga jeta më 28 shkurt 2011 pas një aksidenti automobilistik.
22 vjeçarja nuk mundi t’i mbijetonte plagëve të rënda të marra në kokë nga një përplasje me makinë. Aso kohe policia arrestoi si autor biznesmenin kosovar Aziz Kelmendi, 44 vjec, pasi akuzohej se ishte autor i plagosjes së qëllimshme të këngëtares së re.
Në nder të saj këngëtarja e njohur Elvana Gjata publikoi një baladë me titull “Me ty”, ku trajtonte temën e ndarjes nga jeta të një personi të afërt.
5- Anita Bitri
Këngëtarja e njohur Anita Bitri ndërroi jetë më 19 tetor të 2004 si pasojë e një aksidenti të ndodhur me kaldajën e saj të gazit. Bashkë me të humbën jetën edhe mamaja e saj 60-vjeçare dhe vajza e mitur.
Shkaku i tragjedisë ka qënë kaldaja e ndodhur në bodrumin e shtëpisë ngjyrë rozë të këngëtares shqiptare. Pas vdekjes së saj në shtetin e Neë York u miratua ligji për vendosjen e detyrueshme e dedektorëve të gazit në shtëpi. Në nder të këngëtares ligji u quajt “Anita”.
Të gjithë personazhet e lartpërmendur edhe pse janë ndarë nga jeta në moshë të re, kanë lënë gjurmë me veprën e tyre. Ata do të jetojnë përgjithmonë me artin e tyre dhe mes njerëzve të dashur që i kujtojnë.
