Deputeti Lefter Maliqi tha mbrëmjen e sotme në emisionin “Real Story” se hetimi parlamentar për Presidentin Ilir Meta është një shoë me synim tërheqjen e vëmendjes nga votimet e 30 qershorit.
Maliqi tha se nëse nuk do të kishte nxjerrë Kreu i Shtetit dekretin për shtyrjen e zgjedhjeve më 30 qershor, atëherë do të kishte konfrontime në fizike në veri dhe në jug të vendit.
“Jemi në një krizë të madhe politike dhe ekonomike. Kur do të ngrihet Gjykata Kushtetuese, kur për një anëtar duhen 3 kandidatë?
Kjo që po ndodh me Presidentin është një luftë gjelash mes Ilir Metës dhe Edi Ramës që e njohin shumë mirë njëri-tjetrin dhe ia dinë frikën njëri-tjetrit”, tha Maliqi.
Në vijim ai shtoi se ne kemi sot deputetë të pashkollë, të lidhur me krimin, që nuk dinë as të lexojnë.
“Shikoni draft-raportin e Komisionit të Venecias, nuk gjeni në asnjë rrjesht që të thuhet se Presidenti ka shkelur Kushtetutën dhe se duhet të shkarkohet.
Komisioni i Venecias nuk mund të çertifikojë 30 qershorin se nuk është kompetent për këtë çështje.
Çertifikimi i zgjedhjeve është kompetencë e OSBE/ODIHR dhe jo e Komisionit të Venecias”, tha Maliqi.
Por, ministrja Elisa Spiropali tha se Komisioni i Venecias çimentoi 30 qershorin.
“Gjykata Kushtetuese beson më shumë Komisionin e Venecias sesa Lulzim Bashën dhe Monika Kryemadhin”, tha Spiropali.
Por deputeti Maliqi në replikë me të, i tha “ku e dini ju se çfarë do të thotë Gjykata Kushtetuese 5 apo më shumë muaj pasi të ngrihet? Venecia nuk erdhi në Shqipëri për 30 qershorin, por për çështjen e Presidentit”.
“Bundestagu e thotë prerë: vendimet e Presidentit mund të interpretohen vetëm nga Kushtetuesja”, tha Maliqi.
Pjesë nga debati:
Spiropali: Zgjedhjet e 30 qershorit u bënë për të shpëtuar ligjshmërinë në vend. Ne jemi krenarë, që zgjedhjet u bënë. Patjetër që ne donim t’i kishim përballë, por nuk ishte vendimi ynë. Venecia e çimentoi shumë qartë.
Maliqi: S’e ka Venecia këtë, e ka OSBE/ODIHR.
Spiropali: I besoj më mirë Komisionit të Venecias, se Kryemadhit e Bashës.
Maliqi: Nuk u thirr Komisioni i Venecias për këtë që thotë kjo, ai u thirr vetëm për Presidentin.
Spiropali: Bojkoti nuk mund të lejojë zhvillimin e zgjedhjeve të lira. 30 qershori është i padiskutuar. Ne duam t’i japim vendit një President, jo një “Luan të Venecias”.
Maliqi: Nuk duhet të flasim me kode, ai flet me kode. Më vjen se Bundestagu thotë se një nga kushtet është Gjykata Kushtetuese, e cila sheh dhe vendimet e Presidentit.
